“Colección Dispar” é una mestura de ilustracións dixitais que definen o estilo da artista nos últimos anos. Nos seus comezos como  artista, Teresa Ferreiro presentaba cores moito mais escuras e temáticas más sombrías. Irónicamente, unha serie de experiencias tristes na súa vida persoal centraron a súa atención en imaxes, cores e temáticas dinámicas, suaves e alegres. Aínda que mantivo unha tendencia cara o misterio e a interpretación subxectiva en cada ilustración.

Teresa Ferreiro é creadora de cómics e cando debuxa céntrase nunha narrativa inventada e na creación de persoaxes. Existe unha presenza constante das mulleres e os animais antropomorfizados. O seu estilo está influenciado en gran parte polo imaxinario que consumiu durante a súa infancia e mocidade: as cores vivas e pasteis propias do anime, como Dragon Ball e Ranma ½, as proporcións nas personaxes e motivos similares a moitas obras de manga e temáticas que camiñan nunha liña entre a autoficción, a ironía e a protesta, similar ás obras de cómic alternativo e fanzines estilo punk de autoras como Aline Kominsky-Crumb e Lynda Barry. Tamén está influenciada en gran medida polas súas compañeiras de clase cando estudou Belas Artes en Pontevedra, entre elas Roberta Vázquez e Begoña García-Alén.